मकवानपुर र चितवनमा फेमिलियर प्रदेशस्तरीय सेमिनार हुने

१५ फागुन, हेटौँडा । मकवानपुर र चितवनमा ‘फेमिलियर प्रदेशस्तरीय सेमिनार’ हुने भएको छ । स्वदेशी जडिबुटिको प्रयोगबाट आर्युवेदिक सौन्दर्य प्रशाधन, मसला, खाद्य तथा दैनिक उपभोग्य सामग्री उत्पादन गर्दै आएको वल्र्ड मार्ट युनिक सोलुसन प्रालिको आयोजनामा सेमिनार हुने भएको हो । 
वल्र्ड मार्टले बुधबार हेटौँडामा गरेको पत्रकार सम्मेलनमा फागुन १७ गते चितवनको होटल गंगोत्री र फागुन १८ गते मकवानपुरको क्वीक ट्वान्टी पार्टी प्यालेसमा प्रदेशस्तरीय सेमिनार हुने जानकारी दिईएको छ । पत्रकार सम्मेलनमा वल्र्ड मार्टका अध्यक्ष सुमन दाहालले चितवनमा १ सय ५० र मकवानपुरमा १ सय ५० गरी ३ सय सौन्दर्य एवं अन्य क्षेत्रका व्यवसायी, उत्पादक, वितरक र सर्वसाधारणको सहभागिता रहने जानकारी दिए । 
सेमिनारमा आफ्ना उत्पादनको प्रर्दशन, व्यवसाय प्रवद्र्धनसम्बन्धी जानकारी, सामाजिक सञ्जाल र अनलाईनमार्फत कसरी व्यवसाय प्रवद्र्धन गर्न सकिन्छ भन्ने विषयमा जानकारी दिईने जनाईएको छ । सेमिनारमा स्वास्थ्य र सौन्दर्यसंग सम्बन्धी हेयर केयर तथा स्किन केयरका सामग्री, स्वास्थ्यका लागि अर्गानिक ग्रीन टि र मह लगायतको बारेमा सौन्दर्य एवं आयुर्वेदिक विज्ञमार्फत जानकारी दिने दाहालले बताए । हेटौँडामा हुने सेमिनारमा एक्टिभ ओडोकेयर र नयाँ प्याकमा मिट मसला लगायतका नयाँ उत्पादनको लन्चिङ गरिनेछ ।
काठमाडौंसहित देशका विभिन्न प्रदेशमा यस्तै सेमिनार गरिसकेको वल्र्ड मार्टले प्रदेश ३ को राजधानी मकवानपुर र चितवनमा कार्यक्रम गर्न लागेको उनले बताए । वल्र्ड मार्टले आफ्ना सम्पूर्ण उत्पादनमा स्वदेशी कच्चा पदार्थ र जनशक्तिको सदुपयोगमा जोड दिएको अध्यक्ष दाहालले जानकारी दिए । स्वदेशी उत्पादनको सदुपयोग र रोजगारी प्रवद्र्धनको उद्देश्यले छिटै नीजि क्षेत्र वा सार्वजनिक–नीजि साझेदारी अवधारणामा संस्था स्थापना गरी ८ हजारलाई रोजगारी र ११ सय व्यवसायीलाई लगानीको अवसर प्रदान गर्ने लक्ष्य रहेको समेत पत्रकार सम्मेलनमा जानकारी दिए ।
वल्र्ड मार्टले फेमिलियर ब्राण्डमा छालाको लागि एन्टी पिम्पल, एन्टी पिगमेन्टेशन, एन्टी रिंकल कम्बो सेट, कपालका लागि हेयर ट्रिटमेन्ट कम्बो सेट लगायत ट्रिटमेन्ट वेसमा जडीप्लस सोप, केशामृत स्याम्पु, केशाअमृत हेयर केयर आयल, लेसट्वान्टी एन्टी रिकल फेस प्याक, सेभेन इफेक्ट क्रिम, सनब्लक, फेसटोन, जुत्तामोजा र काखीको दुर्गन्ध हटाउने दुर्गन्धनाशक हर्बल स्प्रे ओडोकेयर सहित १७ वटा सौन्दर्य प्रसाधनका सामाग्रीहरु उत्पादन गरिरहेको छ । 
फेमिलियर ब्राण्डले अदुवा लसुन किन्न नपर्ने सिलौटामा पिन्न नपर्ने स्लोगन सहित मल्टी मिट, मटन, चिकेन, सब्जी, चाट, मम मसलाहरु र जिरा, धनियाँ, खुर्सानी, बेसारलगायत १३ भेराइटीमा फेमिलियर मसलाहरुका साथै दैनिक उपभोग्य फुड सप्लिमेन्ट अर्गानिक ग्रीन टि, महलगायत बस्तुहरुको उत्पादन एवं बजारीकरण गर्दे आएको छ ।