ट्रयाक खुल्यो, दौडन बाँकी : मुख्यमन्त्री पौडेल

१८ फागुन , हेटौँडा। प्रदेश नंबर ३ का मुख्यमन्त्री डोरमणी पौडेलले प्रदेश सरकारले १ बर्ष भित्र उल्लेखय काम गर्न नसेकेको स्वृकार गर्दै प्रदेश सरकारले १ बर्षमा नीति तथा कानुनको ट्रयाक खेल्ने काम सकेको भन्दै गाडी दौडाउन मात्र बाँकी रहेको बताएका छन । 
मकवानपुर उद्योग वाणिज्य संघको मुख्य आयोजनामा हेटौँडा ५ को क्याम्पा चौरमा  शनिबारबाट सुरु भएको राष्ट्रिय औद्योगिक ब्यापार मेलाको उद्घाटन गर्ने क्रममा  मुख्यमन्त्री पौडेलले यसो बताएका हुन । 
 उदघाटनका क्रममा मुख्य मन्त्री पौडेलले मेलामा राष्ट्रिय कलाकारको नाम गरि अश्लिलता प्रर्दशन गर्ने र सेता तिघ्रा देखाएर मेलालाई असभ्य बनाउन नहुने भन्दै  कला सस्कृति जोगाउन र त्यसको संरक्षणमा भेला भएर मनाउने परापुर्वककाल देखि चल्दै आएको परम्परा भएको बताए । 
 फरक प्रसङमा मुख्य मन्त्री पौडेलले संघियताको नाममा हुने बहस ब्यर्थ रहेको बताउदै  संघियता टिक्दैन भन्दै हिडनु हास्यास्पद रहेको बताए ।  
 मकवानपुर उद्योग वाणिज्य संघका अध्यक्ष कृष्ण कट्टवालको सभाध्यक्षतामा भएको कार्यक्रममा नेपाल उद्योग वाणिज्य महासंघका पुर्व अध्यक्ष चण्डी राज ढकाल, प्रदेश नम्बर ३का संसद मुनु सिग्देल, जि स स मकवानपुर प्रमुख  रघुनाथ खुलाल, संघका केन्द्रिय  सदस्य अरुणराज सुमार्गी, संघ मकवानपुर पुर्व अध्यक्ष हिटलर बिशेष, कांग्रस मकवानपुर सचिव आनन्द कठायत, हेटौँडा वडा नम्बर ५ का वडाध्यक्ष राजेश बानिया लगायतकाले मन्तव्य व्यक्त गरेका थिए । 
मेला उदघाटन पुर्व संघ, टोल बिकास, प्रहरी तथा विभिन्न संघ सस्थाको सहकार्यमा बुद्ध चोक बाट मेला स्थल क्याम्पा चौर सम्म शोभा यात्राको आयोजना गरिएको  थियो ।  फागुन २८ गते सम्म चल्ने मेलामा बोटिङ, हेलिकप्टरबाट सिटी टुर, बाल उद्यान, रोटेपिङ घोड चडी सहित चारसय ४४ स्टल रहेका छन् ।