दुई मैत्रिपूर्ण खेलका लागी राष्ट्रिय टोलीको घोषणा, विमल र भरत परेनन

६ जेष्ठ, हेटौँडा । नेपाली राष्ट्रिय फुटबल टोलीका प्रशिक्षक योहान कालीनले मलेसिया र चाइनिज ताइपेइविरुद्ध हुने दुई मैत्रीपूर्ण खेलका लागि अन्तिम टोली घोषणा गरेका छन् ।
प्रशिक्षक कालीनले झन्डै २ साता प्रशिक्षणपछि टोली घोषणा गरेका हुन् । टोलीमा स्टार फरवार्ड विमल घर्तिमगर, हेमन गुरुङ र भरत खवासले स्थान बनाउन सकेनन् । 
उनीहरु पूर्ण रुपमा फिट नभएका कारण टोलीमा नपरेको प्रशिक्षक कालीनले बताएका छन् । तीनै खेलाडी गत साता विश्राममा रहेर पछिल्लो केहि दिन हल्का प्रशिक्षणमा सामेल भएका थिए । नेपालले जुन २ मा मलेसिया र जुन ६ मा चाइनिज ताइपेइसँग खेल्दैछ । 
यसअघि कालीनको प्रशिक्ष्कत्वमा नेपालले कुवेतविरुद्ध एक बराबरी र एक हार बेहोरेको थियो । छनौट भएका खेलाडीहरुमा गोलरक्षकमा किरण चेम्जोङ, एलन न्यौपाने र विकेश कुथु, डिफेन्डरमा विराज महर्जन, सरोज दाहाल, रजिन धिमाल, सुमन अर्याल, अनन्त तामाङ, अजित भण्डारी, देवेन्द्र तामाङ, र रवी सिलवाल रहेका छन् । 
यसैगरी मिडफिल्डर र फरवार्डमा तेज तामाङ, सुनिल बल, विशाल राई, रोहित चन्द, विक्रम लामा, सन्तोष तामाङ, सुजल श्रेष्ठ, विमल राना, रविशंकर पासवान, अभिषेक रिजाल, अन्जन विष्ट, र नवयुग श्रेष्ठ रहेका छन् ।
फोटोः गुगल