कामधेनु सहकारीको बार्षिक कारोबार २ करोड 

१७ साउन, हेटौडा । हेटौँडा–६, चुच्चेखोलामा रहेको कामधेनु बहुउद्धेश्यीय सहकारी संस्थाले आर्थिक वर्ष ०७५÷०७६ मा करीव २ करोड रुपैँयाको कारोवार गर्न सफल भएको छ । 
सहकारी संस्थाले ऋण लगानीमा १ करोड ७ लाख, निक्षेप संकलनमा ६८ लाख, लगानीबाट व्याज असुलीमा २१ लाख, शेयर विक्रीमा १ लाख ६७ हजार, कर्जा व्यवस्थापनमा १ लाख ३१ हजार आम्दानी गरेको छ । यसैगरी भवन निर्माण अनुदान ८ लाख २० हजार, विलम्व, हर्जानामा २० हजार, शेयर मृतक संस्कार कोषमा २३ हजार आम्दानी भएको संस्थाका अध्यक्ष गौरबकुमार पराजुलीले बताए । 
यसैगरी ऋण लगानीमा १ करोड ३१ लाख ६७ हजार, निक्षेप फिर्तामा ५९ लाख, व्याज वितरणमा १४ लाख, भवन निर्माणमा १६ लाख खर्च भएको छ । यसैगरी साधारणसभामा ७० हजार, कर्मचारी तलवमा १ लाख ७४ हजार, तालिममा १५ हजार, घर बहालमा २४ हजार, मसलन्दमा १० हजार, शेयर मृतक सहयोगमा १४ हजार, लेखापरीक्षणमा १२ हजार ५ सय खर्च भएको व्यवस्थापक भीमसेन8 पौडेलले बताए । 
संस्थाले हालै चुच्चेखोलामा २८ लाखको लागतमा पक्की भवन निर्माण गरेको छ । भवन निर्माणको लागि प्रदेश सभा सदस्य माननीय ईन्द्र बानियाँ, विभिन्न संघसंस्था, शेयर सदस्य, शुभचिन्तकबाट १८ लाख सहयोग प्राप्त भएको संस्थाका उपाध्यक्ष उदयप्रकाश दहालले बताए । 
हेटौँडा ६ र १७ नं. वडा कार्यक्षेत्र रहेको संस्थामा हाल ५ सय ५० जना शेयर सदस्यहरु आवद्ध रहेका छन् ।