मूख्यमन्त्री पौडेलबाट बधशाला उद्घाटन

१९ साउन, हेटौँडा । हेटौंडा औद्योगिक क्षेत्र स्थित मासु बधशाला उद्योगको ३ नम्बर प्रदेशका मूख्यमन्त्री डोरमणी पौडेलले उद्घाटन गरेका छन् । उपभोक्तालाई स्वथ्यकर मासु उपलब्ध गराउन प्रदेश र स्थानीय सरकारको सहयोगमा बफेलो क्वालिटी फुड प्रालि (बधशाला) संचालनमा ल्याईएको हो । 
डेनिस सरकारको सहयोगमा २०२८ सालमा स्थापना भएको बधशाला पटक पटक संचालन हुँदै बन्द हुँदै आएको थियो । २०७३ सालमा बन्द भएपछि अब संचालनमा आउन लागेको हो । संचालनका लागि प्रदेश सरकारले ७१ लाख रुपैयाँ आर्थिक सहयोग उपलब्ध गराएको छ । बधशालाको उद्घाटन गर्दै मुख्यमन्त्री पौडेलले अव हेटौंडा बजार क्षेत्रका बधशाला बन्द हुने दावि गरे भन्दै माछामासु व्यवसायीले औद्योगिक क्षेत्रकै बधशालाबाट मासु लैजानुपर्ने उनले बताए । 
कार्यक्रममा मुश्लीम आयोगका अध्यक्ष समीम मिया अन्सारी, राष्ट्रिय सभाका सदस्य रामचन्द्र राई, भूमी ब्यवस्था कृषि तथा सहकारी मन्त्री दावा दोर्जे लामा, मेयर हरी बहादुर महत, भूमी ब्यवस्था कृषि तथा सहकारी मन्त्रालयका सचीब डाक्टर योगेन्द्र कार्की लगायतको उपस्थिती रहेको थियो । 
१८ करोड रुपैँयाा स्थापना भएको बधबालामा प्रतिघण्टा ४० वटा रागा भैसी बध गर्ने क्षमता रहेपनि अहिले दैनिक २० वटा राँगा भैसी बध गरिने संचालक सैयद रियाजउद्दीनले जानकारी दिए ।