हेटौंडामा जेठ १६ बाट राष्ट्रिय भलिबल प्रतियोगिता हुने

१४ जेठ, हेटौंडा । केशवलाल श्रेष्ठ स्मृति केन्द्रिय प्रतिष्ठान हेटौडा र मकवानपुर जिल्ला भलिवल सघंको आयोजनामा हेटौंडामा यहि जेठ १६ गतेदेखि खुल्ला पुरुष राष्ट्रिय भलिवल प्रतियोगिता हुने भएको छ ।
आइतबार हेटौंडामा पत्रकार सम्मेलनको आयोजना गर्दै प्रतियोगिताको बारेमा जानकारी गराइएको हो । हेटौडा ४ स्थित हुप्र चौरमा रहेको भलिवल कोर्टमा हुने प्रतियोगितामा देशभरका विभिन्न दश वटा टिमको सहभागिता रहने प्रतिष्ठानका अध्यक्ष प्रताप विष्टले जानकारी दिए ।
प्रतियोगितामा विभागीय टोली नेपाल आर्मी, सशस्त्र प्रहरी वल र नेपाल प्रहरी सहित आयोजक मकवानपुर जिल्ला भलिवल संघ, बागमी प्रदेश भलिवल टिम, मधेस प्रदेश भलिवल टिम, मणिमुकुन्द भलिबल टिम, गण्डकी प्रदेश भलिवल टिम, वालिङ भलिवल टिम स्याङजा र पाथिभरा भलिबल टिम झापाको सहभागीता रहने अध्यक्ष विष्टले बताए ।
प्रतियोगितामा प्रथम हुने टिमले दुई लाख नगद सहित ट्रफि, मेडल र प्रमाण पत्र प्राप्त गर्दा द्धितिय हुने टिमले नगद एक लाख सहित ट्रफि, मेडल र प्रमाण पत्र प्राप्त गर्ने छ । 
यस्तै प्रतियोगिताको सेमीफाईनल पुग्ने दुई टिमलाई ५०÷५० हजार नगद प्रदान गरिने अध्यक्ष विष्टले बताए । प्रतियोगिताको सर्वोत्कृष्ट खेलाडीलाई नगद पन्द्य्र हजार र विधागत उत्कृष्ट हुने खेलाडीहरुलाई जनही नगद पाँच÷पाँच हजार पुररुकार प्रदान गरिने विष्टले जानकारी दिए ।
करिब २५ लाख खर्च अनुमान गरिएको प्रतियोगिता सञ्चालनका लागी हेटौडा उपमहानगरपालिका, प्रदेश खेलकुद विकास परिषद वागमती, हेटौंडा उपमहानगरपालिकाको १९ र ३ नम्बर वडा कार्यालयले आर्थिक सहयोग गर्ने आयोजकले जनाएको छ ।