मेयर कप फुटबलः वडा नम्बर १५ को विजयी सुरुवात

१६ जेठ, हेटौंडा । हेटौंडामा सोमबार बाट तेश्रो मेयर कप वडा स्तरीय फुटबल सुरु भएको छ । हेटौंडा–५ पिप्ले क्याम्पा रंगशालामा सुरु भएको प्रतियोगिताको उद्घाटन खेलमा वडा नम्बर १५ ले बिजयी सुरुवात गरेको छ । 
प्रतियोगिताको उद्घाटन खेलमा वडा नम्बर ३ लाई ३–१ गोल अन्तरले पराजित गर्दै १५ नम्बरले बिजयी सुरुवात गरेको हो । वडा नम्बर १५ को जितका लागी बिजन भोलन, ऋषि मोक्तान  र बिश्वास मोक्तानले एक एक गोल गरे यस्तै वडा नम्बर ३ का लागी बिनित लामाले एक गोल फर्काए । सुरुवाती अग्रता भने वडा नम्बर ३ ले बनाएको थियो । 
खेलमा उत्कृष्ठ प्रदर्शन गरेका वडा नम्बर १५ का ऋषि मोक्तान ‘म्यान अफदी म्याच’ घोषित भए । उनलाई वडा नम्बर १५ का अध्यक्ष सुनिल मोक्तानले म्यानअफदी म्याचको ट्रफि प्रदान गरेका थिए । 
उपमहानगरका १९ वडाको सहभागिता रहेको प्रतियोगिताको बिजेताले नगद २ लाख, उपबिजेता १ लाख ५० हजार, सन्तवना २ वटा टिमलाई ५०÷५० हजार पुरस्कार प्रदान गरिने छ । यस्तै सर्बोत्कृष्ठ खेलाडिलाई १५ र उत्कृष्ठ खेलाडिहरुलाई ५÷५ हजार रुपियाँ नगद सहित शिल्ड एवम् मेडल पुरस्कार रहेको आयोजकले जनाएको छ । 
प्रतियोगिता अन्तरगत मंगलबार हेटौंडा ६ र १० बिच खेल हुने आयोजकले जनाएको छ । यसअघि सोमबार हेटौंडा उपमहानगरपालिका नगर खेलकुद बिकास समितिको आयोजनामा भएको प्रतियोगिताको उद्घाटन नगरप्रमुख मीनाकुमारी लामाले गरेकी हुन् ।
कार्यक्रममा उपमहानगरका उपप्रमुख राजेश बानियाँ, नगरका बिभिन्न वडाका अध्यक्षहरु, जिल्ला फुटबल संघका अध्यक्ष टिकाराम लामा, जिल्ला खेलकुद बिकास समितिका अध्यक्ष भेष खड्गी लगाएकको आतिथ्यता रहेको थियो ।