कैलाशमा स्वास्थ्यको क्षेत्रको कार्ययोजना तर्जुमा कार्यक्रम

११ भदौँ,हेटौँडा । मकवानपुरको विकट मानिएको कैलाश गाउँपालिकाले स्वास्थ्यको क्षेत्रको कार्ययोजना तर्जुमा कार्यक्रम सम्पन्न गरेको छ । आइतबार र सोमबार गरी दुई दिन  स्वास्थ्यको क्षेत्रमा भएका प्रगति तथा चालु वर्ष ०८०÷८१को वार्षिक कार्ययोजना तर्जुमा गरेको हो । गाउँपालिका प्रमुख लोकबहादुर मुक्तानको प्रमुख आतिथ्यतामा कार्यक्रम भएको थियो । कैलाशको स्वास्थ्य शाखाको आयोजना भएको कार्ययोजना तर्जुमा कार्यक्रमको प्रमुख अतिथि गाउँपालिका अध्यक्ष लोकबहादुर मुक्तान रहेका थिए । 
आर्थिक बर्षमा संचालन हुने खोप सेवा÷बालरोग व्यवस्थापन सेवाको अवस्था राम्रो सुधार भएको, क्षयरोगी,कुष्ठरोगीमा कमी, संस्थागत सेवामा सुधार, वर्थिङ सेन्टर सेवा राम्रो, बाल तथा मातृ मुत्युदरमा कमी, परिवार नियोजन सेवाको पहुँच बढ्दै गएको र गाउँपालिकामा पोषणको अवस्था कमजोर रहेको स्वास्थ्य संयोजक कृष्ण कुमार यादवले प्रस्तुत गरिएको प्रगति प्रतिवेदनमा उल्लेख गरिएको छ । 
कार्यक्रममा बोल्दै पालिका अध्यक्ष मुक्तानले पूर्ण प्रविधिमैत्री स्वास्थ्य संस्था, पोषण प्रवद्र्धन गर्दै गाउँपालिकालाई पूर्ण पोषणमैत्री स्वास्थ्य संस्था बनाउने लक्ष्य रहेकोे बताए । उनले पोषणमैत्री स्वास्थ्य संस्था बनाउन स्वास्थ्य क्षेत्रमा आवश्यक कर्मचारी पदपूर्ति गर्ने र स्वास्थ्य सेवामा मुस्कान सहित सेवा प्रदान गर्ने कुरा नीति तथा कार्यक्रममा प्रस्तुत गरिएकोले त्यस कार्यमा आफ्नो प्रतिवद्धता गरेका बताए । तजर्Þुमा कार्यक्रममा गाउँपालिका उपाध्यक्ष बालकुमार मल्ल, प्रमुख प्रशासकीय प्रमुख अशोक विष्ट, सहित विभिन्न शाखाका प्रमुखको सहभागिता रहेको कार्यक्रममा गाउँपालिकाका स्वास्थ्यकर्मी तथा पालिकाका कर्मचारीहरुको सहभागिता रहेको थियो ।