प्रधानमन्त्री प्रचण्डसहित रक्षा, अर्थ र भौतिक मन्त्रीद्वारा फाष्ट ट्रयाक निरीक्षण (फोटो फिचर)

५ बैशाख, हेटौंडा । प्रधानमन्त्री पुष्पकमल दाहाल प्रचण्ड सहित उपप्रधान तथा रक्षा मन्त्री पुर्ण बहादुर खडका, अर्थ मन्त्री प्रकाश शरण महत र भौतिक पूर्वाधार मन्त्री प्रकाश ज्वला सहितको टोलीले मंगलबार  
निर्माणधिन काठमाडौं-तराई मधेस द्रुतमार्ग (फाष्ट ट्रयाक) को निरीक्षण गरेका छन्। नेपाली सेनाको हेलिकोप्टर मार्फत मकवानपुर पुगेका प्रचण्ड सहित मन्त्रीहरुको टोलीले मकवानपुरको विभिन्न स्थानमा निर्माण भइरहेको फाष्ट ट्रयाकको स्थलगत निरीक्षण गरेका हुन। 
नेपाली सेनाको हेलिकोप्टर मार्फत उनले मंगलबार बिहान ११ बजे भीमफेदी गाउँपालिका-८ महादेवटारमा फाष्ट ट्रयाक अन्तरर्गत बनिरहेको सुरुङ मार्ग, मकवानपुरगढी-१ मा निर्माण भइरहेको सुरुङ मार्ग र बकैया-५ पावस र रानीवन खर्कटेमा  बकैया खोलामाथिको निर्माण कार्य भइरहेको  पुलको स्थलगत अनुगमन गरेका हुन्।
अनुगमनका क्रममा  एमएस कुमार रोसन शिचुवान जेवीका प्रोजेक्ट म्यानेजर देवेन्द्र ढुङगानाले निर्माण कार्यको बारेमा जानकारी गराएका थिए । 
अनुगमनमा बागमती प्रदेशका मुख्यमन्त्री शालिकराम जम्कट्टेल,नेपाली सेनाका प्रधान सेनापति  प्रभुराम शर्मा,बागमती प्रदेशका मन्त्री,मकवानपुरका प्रजिअ राजेन्द्रदेव पाण्डे, बागमती प्रदेश प्रहरी प्रमुख डिआइजी किरण राणा, सुरक्षानिकायका प्रमुखहरुको सहभागिता रहेको थियो।