फेसबुक चलाएको भन्दै छोरीलाई कुटपिट

२५ साउन, हेटौँडा । हेटौँडा–२९ का एक बाबुले फेसबुक चलाएको र भनेको नमानेको भन्दै छोरीलाई निर्घात कुटपिट गरेका छन् । सिविन हेल्पलाईनको पैसा नलाग्ने फोन १०९८ मा छिमेकीले खबर गरेपछि घटना बाहिर आएको हो । 
घटनापछि पुगेको टोलीले बाबु सानोकाजी व्लोनले १५ बर्षिया छोरीलाई फेसबुक चलाएको र भनेको नमानेको भन्दै अपशव्द प्रयोग गर्दै शरीरमा निलडाम हुने गरी कुटपिट गरेको पाएको छ । कुटपिटबाट छोरीको ओठ, मुख सुन्निएको, शरिरका विभिन्न भागमा निलडाम पाईएको जिल्ला बाल कल्याण समितिका रवि हमालले जानकारी दिए । बाबुले नियमित मादक पदार्थ सेवन गर्ने र आफुहरुलाई अपशव्द बोल्ने र कुटपिट गर्ने गरेको परिवारका सदस्यहरुको भनाई छ । अनुगमन टोलीले बालिकाको उपचार गराएको छ । बाबु व्लोनले आगामी दिनमा यस्तो गल्ति नगर्ने र गल्ति दोहो¥याए कानूनी सजाय भोग्ने प्रतिवद्धता व्यक्त गरेका छन् । 
जिल्ला बालकल्याण समितिको तर्फबाट सुचना तथा परियोजना अधिकृत रवि हमाल, नारी सिप सृजना केन्द्रका गणेश चालिसे र रेणु गुरुङ, बालकल्याण समाजबाट श्रद्धा प्रधान सहितको टोलीले बालिका, बालिकाको परिवार, स्थानीयसँग छलफल गरेको बाल हेल्पलाइनका जिल्ला संयोजक झबिन्द्र ज्ञवालीले बताए ।