दिव्य सेवा निकेतनले महायज्ञ गर्ने

फोटोः सुनिल /प्रस्ट खबर

११ कार्तिक, हेटौँडा । ज्येष्ठ नागरिकलाई सेवा दिईरहेको हेटौँडा १५दमारटोल राटोमाटेमा रहेको दिव्य सेवा निकेतनले श्रीमद भागवत वैदिक ज्ञान विराट महायज्ञको आयोजना गर्ने भएको छ । निकेतनले आज पत्रकार भेटघाटको आयोजना गरी यो बिषयको जानकारी गराएको हो । बैदिक धर्म संरक्षण मञ्च नेपालका अध्यक्ष विद्धान देवनारायण अर्यालको प्रमुख वाचनकत्वमा कार्तिक २२ गते देखी २८ गते सम्म विराट महायज्ञको आयोजना गरिने आयोजीत पत्रकार भेटघाटमा बताईएको हो ।

श्रीमद भागवत वैदिक ज्ञान विराट महायज्ञको तयारीका लागी दिव्य सेवा निकेतनका संरक्षक सुनिता वाईको संयोजकत्वमा ५४ सदस्य मुल आयोजक समिति बनाईएको पत्रकार भेटघाटमा बताईएको छ ।निकेतनमा आश्रय लिईरहेका ज्येष्ठ नागरिकहरु, स्वदेशका सम्पूर्ण मानव तथा पितृ प्रेतात्माको उद्धारकालागी  श्रीमद भागवत वैदिक ज्ञान विराट महायज्ञको आयोजना गरिएको निकेतन मकवानपुरका अध्यक्ष चम्फु सिंह वाईवाले बताए । 
पत्रकार भेटघाट कार्यक्रममा दिव्य सेवा निकेतनका केन्द्रिय  अध्यक्ष टि आर निरौला ,निकेतनका संरक्षक सुनिता वाई हेटौँडा उपमहानगरपालिका वडा नम्बर १५ का वडाध्यक्ष माहारत्न लामा, वडा नम्बर १५ का वडाध्यक्ष राम कृष्ण कोईराला, , सहित्यकार हेईग्रिव आर्चाय,पत्रकार महासंघ मकवानपुरका अध्यक्ष हरि हुमागाई , पे्रस युनियन मकवानपुरका सदस्य सुनिल शिवाकोटी लगायतकाको सहभागिता रहेको थियो । 

पत्रकार भेटघाट कार्यक्रम मार्फत यहि कार्तिक २४ देखी २६ गते सम्म अमेरिकी विशेषज्ञ डाक्टरद्वारा  निःशुल्क स्वास्थ्थ शिविरको आयोजना गरिएको बताईएको छ । २५ जना ज्येष्ठ नागरिकहरुलाई आश्रय दिईरहेको निकेतनले १० सौँयाको अस्पतालको सम्बन्ध प्राप्त गरेको हाल फिजियो थेरापी सेवा प्रदान गरेको निकेतनका मकवानपुर अध्यक्ष वाईवाले बताए।