लामिटार कप फुटबलमा सयपत्री र शक्ति विजयी 

२४ असोज, हेटौँडा । प्रथम लामिटार कप फुटबल प्रतियोगितामा सयपत्री युवा क्लव सुनाचुरी र शक्ति युवा क्लव मनहरी क्वार्टरफाइनल प्रवेश गरेका छन् । 
बुधबार भएको पहिलो खेलमा आयोजक लामिटार यूथ क्लवको बी टिमलाई ३–१ गोल अन्तरले हराउदै सयपत्रीले क्वार्टरफाइनलमा स्थान बनाएको हो । 
सुरुवाती अग्रता जोगाउन नसक्दा लामिटार हार व्यहोर्न बाध्य भयो । लामिटारको लागि बिनोद राइले आठौं मिनेटमा गोल गर्दै टिमलाई अग्रता दिएका थिए । 
तर सयपत्रीले लगातार ३ गोल ग¥यो नितिजा आफनो पक्षमा पार्न सफल भयो । सयपत्रीको जितको लागी सितल विकले २ र बिबेक श्रेष्ठले एक गोल गरे । खेलको म्यान अफ दि म्याच सितल विक घोषित भए । 
यस्तै चुरियामाई युवा क्लव रमौलीलाई टाइब्रेकरमा हराउदै शक्ति क्लव क्वार्टरफाइनलमा प्रवेश गरेको छ । निर्धारित समय गोलरहित बराबरीमा टुङ्गिएपछी टाईब्रेकरमार्फत निर्णय लिइएको हो । टाइब्रेकरमा शक्ति क्लब ५–३ गोल अन्तरले विजयी भयो । 
खेलको म्यान अफ दि म्याच शक्ति क्लवका अबिनाश खड्का घोषित भए । 
जारी प्रतियोगितामामा भोलि बिहिबार आयोजक लामिटार यूथ क्लव ए र आर आर एफसी पालदमारको बीचमा खेल हुनेछ भने दोस्रो खेल एफसी खरङ्गा र जनजागरण क्लव मसिनेको बीचमा हुनेछ । 
३० गते सम्म सन्चालन हुने प्रतियोगिताको बिजेताले नगद ५० हजार र उपविजेताले २५ हजारसहित ट्रफी, मेडल र प्रमाणपत्र प्राप्त गर्नेछ । यस्तै बिधागत उत्कृष्ट खेलाडीलाई समेत पुरस्कारको ब्यवस्था गरिएको आयोजकले जानकारी दिएको छ ।