२०७६ सालको वडादशैँ आजबाट प्रारम्भ भएको छ । आज घटस्थापना, दशैको पहिलो दिन, आजबाट नौरथा सुरु भएँसगै शक्तिपिठहरुमा भक्तजनहरुको, बसपार्कमा यात्रुहरुको र बजारमा सर्वसाधारण भिडभाड बढ्दै जान्छ । चाडपर्वको समयमा आपराधिक घटना बढि हुने गरेको छ र शान्ति सुरक्षाका दृष्ट्रिकोणले प्रहरीलाई चुनौति पनि रहने गर्दछ । शान्ति सुरक्षा कायम गर्ने जिम्मेवारी पाएको प्रहरीले मकवानपुरमा कस्तो रणनीति बनाएको छ भन्ने बारेमा मकवानपुरका प्रहरी उपरीक्षक मुकेशकुमार सिंहसंग प्रष्ट खबरका प्रमुख संवाददाता सुनिल शिवाकोटीले कुराकानी गरेका छन् । त्यसको सारसंक्षेप ।
मकवानपुर प्रहरीले चाडपर्व लक्षित सुरक्षा रणनीति कस्तो तयार गरेको छ ?
सर्वप्रथम त सम्पूर्णमा विजयादशमीको शुभकामना । आज (आइतबार)बाट नेपालीको घरदैलोमा दशैंको आगमन भईसकेको छ । शक्तिपिठ, यातायात र बजार क्षेत्रमा भिडभाड र सवारी चापले अरु बेलाको भन्दा घटना, दुर्घटना बढ्ने गर्दछन् । चोरी, लुटपाटका घटना पनि यही समय बढि हुन सक्ने भएकाले मकवानपुर प्रहरीले भिडभाड हुने स्थान जस्तै मन्दिर, बैंक र वित्तीय संस्था, बसपार्क, बजार क्षेत्र, सुन पसलमा निगरानी बढाएका छौं । यसका लागि नियमित प्रहरी परिचालनका साथै साईकलमा गस्ती, भ्यानमा गस्ती र सादा पोशाकमा प्रहरी परिचालनको व्यवस्था मिलाएको छ ।
त्यसैगरी, मकवानपुर प्रहरीको मातहतका ईलाका प्रहरी कार्यालय, प्रहरी चौकी, वडा प्रहरी कार्यालयसहितका सबै इकाईहरुलाई अपराध हुन सक्ने सम्भावित स्थानमा विशेष निगरानी राख्न निर्देशन दिईसकेको छ । त्यस्तै, प्रहरी निरीक्षकको नेतृत्वमा शिघ्र परिचालन टोलिलाई तयारी अवस्थामा राखिएको छ भने कुनै अप्रिय घटना भएमा प्रहरी १० मिनेट भित्र घटनास्थलमा पुग्ने व्यवस्था मिलाइएको छ ।
चाडपर्वमा हुने आपराधिक गतिविधि नियन्त्रण गर्ने रणनीति के छ ?
पक्कै पनि चाडपर्वमा सर्वसाधारणको भिडभाड हुने स्थान र सर्वसाधारण नभएको स्थानमा आपराधिक घटनाहरु बढी हुने गर्दछन् । अब जिल्लाबाहिर विभिन्न कामको सिलसिलामा रहेका सर्वसाधारण पनि आफ्नो घर गाउँ आउने गर्दछन् । साथीभाई, आफन्त जमघट हुँदा खानपान र विभिन्न खेलका कुराहरु पनि यही समयमा बढि हुने गरेको छ । यी सबै कुरालाई लक्षित गरेर अपराध नियन्त्रणका लागि मकवानपुर प्रहरीले विशेष योजना तयार गरेको छ । पहिलो कुरा त चाडपर्वमा ख्याल गर्नुपर्ने कुराहरुको बारेमा सर्वसाधारणलाई हाम्रा प्रहरी इकाईहरुमार्फत सचेत गराउने काम भईरहेको छ । गस्तीलाई अरु समयको भन्दा बढाईएको छ । केही संवेदनशिल मानिएका स्थानमा सिसि क्यामरा साथै प्रहरीको उपस्थितीमा निगरानी बढाइने छ । त्यसैगरी कुकुरसहितको चेकिङ र सादा पोशाकका प्रहरीलाई व्यापक रुपमा परिचालन गरिने छ ।
चाडवाडको समयमा सवारी चाप बढ्दछ, जसकारण सवारी दुर्घटनाको संख्या बढी हुने गरेको छ । यही समयमा मौका छोपी यात्रुहरुबाट बढी भाडा लिने काम हुन्छ ? यसलाई कसरी नियन्त्रण गर्नुहुन्छ ?
चाडपर्वको अवधिभर मकवानपुर जिल्लामा पर्ने त्रिभुवन राजपथ, पुर्व–पश्चिम राजमार्ग, काठमाडौ जोड्ने फाखेल सडक खण्ड, सिस्नेरी सडक खण्ड र कान्तिलोकपथ भएर हजारौ सवारी आवतजावत गर्छन् । सवारीहरुले नियम उल्लंघन गरी जथाभावी भाडा लिएर यात्रु चढाएको पाईएका त्यस्ता सवारीलाई तुरुन्तै कारवाही गरी लिएको बढी भाडा यात्रुहरुलाई फिर्ता गरिने छ ।
यात्रुहरु नठगिउन् भनेर केही दिन अगाडी जिल्ला प्रहरी कार्यालय र वडा प्रहरी कार्यालयको सकृयतामा हेटौँडा–१ चौकिटोल र हेटौँडा–१० बसपार्क क्षेत्रमा यात्रु सहायता कक्षको स्थापना गरिसकिएको छ । त्यसैगरी, मादक पदार्थ र लागुपदार्थ सेवन गरी जथाभावी सवारी चलाउनेलाई तुरुन्तै कारवाही गरिने छ । त्यस्तै प्रहरीको समन्वयमा फरक फरक स्थानमा नियमित र आकस्मिक चेकिङ गरिने छ । यदी यात्रुलाई समस्या परेमा र कुनै सवारीले बढी भाडा लिएमा जिल्ला प्रहरी कार्यालयको १०० र ०५७–५२२००१ मा फोन गर्न अनुरोध गर्दछौं ।
राजमार्गमा लुटपाटका घटना हुन नदिन मकवानपुर प्रहरीको राजमार्ग सुरक्षा गस्ती योजना कस्तो छ ?
मकवानपुरमा मूख्य राजमार्ग क्षेत्र चुरियामाईदेखि लोथरसम्म पर्दछ । हामीले यो क्षेत्रलाई विशेष संवेदनशिल मानेर राजमार्गका लागि छुट्टै सुरक्षा रणनीति तयार गरेका छौं । शान्ति सुरक्षा कायम गर्नु प्रहरीको दायित्व र कर्तव्य भएको हुँदा राजमार्गमा हुन सक्ने लुटपाटको घटना हुन नदिन राजमार्गमा चेक पोईन्ट खडा गरी चेकजाँच गर्ने, बिगतका बर्ष झैं यस बर्ष पनि रात्रीबस तथा सार्वजनिक सवारी साधनमा हतियारसहित प्रहरी परिचालन गरिने छ । भ्यान तथा मोटरसाइकल गस्ती गरिने, राजमार्ग सडक छेउमा नेपाल प्रहरी र सशस्त्र प्रहरीको समन्व्यमा युनिटहरु बनाई राजमार्ग गस्ती गरिने छ । चाडपर्वमा मकवानपुर प्रवेश गर्ने सवारीलाई कुकुरसहित चेकजाँच गरिने छ ।
दशैं ढुक्क भएर मान्दा हुन्छ त्यसो भए हैन त ?
हो, मकवानपुरमा दशैं ढुक्क भएर मान्दा हुन्छ । नागरिकको सुरक्षाका लागि नेपाल प्रहरी २४ सैं घण्टा तैनाथ छ । त्यसो त नागरिक पनि सादा पोशाकका प्रहरी नै भएकाले आफ्नो टोल, समाजमा कुनै शंकास्पद व्यक्ति देखे वा गतिविधि भए प्रहरीलाई जानकारी गराई शान्ति सुरक्षा कायम गर्न सहयोगका लागि आग्रह गर्न चाहन्छौं । आफु यात्रा गर्दा सार्वजनिक सवारीमा शंकास्पद गतिविधि भए वा असुरक्षा महसुस भएमा प्रहरीलाई जानकारी दिन पनि आग्रह गर्दछौं । दशैं सामाजिक सद्भाव अभिबृद्धि र टाढा रहेका आफन्त र मित्रहरुको मिलन हुने पर्व हो, यसलाई यही भावनाका साथ मनाउन नेपाल प्रहरी सबैलाई अनुरोध गर्दछ ।
१४ बैशाख, काठमाडौं । बैशाख १६ गतेदेखि सात जिल्लामा हात्तीपाइलेविरुद्धको औषधि खुवाइने भएको छ । झापा, धनुषा,...
१४ बैशाख, काठमाडौं । प्रधानमन्त्री पुष्पकमल दाहाल र एसियाली विकास बैंकका उपाध्यक्ष इङमिङ याङबीच शिष्टाचार भेट...
१४ बैशाख, काठमाडौं । नेपाल र चीनबीच शुक्रबार दुई महत्त्वपूर्ण सम्झौतामा हस्ताक्षर भएको छ । अर्थ मन्त्रालयमा...
१४ बैशाख, हेटौंडा । काठमाडौँको न्युरोडबाट एक किलो ८ सय ग्राम सुन र डेढ करोड नगदसहित ७ जना पक्राउ परेका छन् । पक्राउ...
१४ बैशाख, हेटौंडा । कक्षा १२ परीक्षा आजदेखि देशभर एकैसाथ शुरु भएको छ । बैशाख २६ गतेसम्म बिहान ८ बजेदेखि ११...
१४ बैशाख, हेटौंडा । हाल नेपालमा पश्चिमी वायु र स्थानीय वायुको आंशिक प्रभाव रहेको छ । गण्डकी, कर्णाली र...
१४ बैशाख, हेटौंडा । बागमती प्रदेशमा हाल ४६ जना औलोको रोगी रहेको जानकारी दिइएको छ । विश्व औलो दिवस २०८१ को अवसरमा...
१४ बैशाख, हेटौंडा । रौतहटको राजपुर बमकाण्डका आरोपित आलमसहित ४ जनालाई जन्मकैदको फैसला भएको छ । जिल्ला अदालत...
१४ बैशाख, हेटौंडा । नगर क्षेत्रमा रोजगारीको अभाबमा रहेका युवाहरुलाई रोजगारी श्रृजना गर्ने अभियानमा हेटौंडा...
नेपालमा शैक्षिक बर्ष २०८१ को विद्यालय भर्ना अभियान शुरु भएको छ । मकवानपुरमा पनि विद्यालयहरु विभिन्न...
४ बैशाख, हेटौंडा। हेटौंडा ६ रामनगरमा आगलागी भएको छ, उक्त आगलागी एकजना घाइते भएका छन्। मंगलबार साँझ रामनगर स्थित...
१२ बैशाख, हेटौंडा । बागमती प्रदेश सरकारले वैशाख २४ गते सार्वजनिक बिदा दिने निर्णय गरेको छ । प्रदेश सरकारको बुधवार...
९ बैशाख, हेटौंडा। पूर्व पश्चिम राजमार्ग अन्तर्गत हेटौंडा-१० मा भएको सवारी दुर्घटनामा घाईते व्यक्तिको उपचारको...
४ बैशाख, हेटौंडा। हेटौंडा सहित कैलाश र मकवानपुरगढीका विभिन्न स्थानमा मंगलबार १२ घण्टा विद्युत आपूर्ति...
१० बैशाख, हेटौंडा। सरकारले मंगलबार सार्वजनिक बिदा दिएको छ। कतारका राजा अमिर शेख तमिम बिन हमाद अल थानीको नेपाल...
१२ बैशाख, हेटौंडा। त्रिभुवन राजपथ अन्तर्गत मकवानपुरको भीमफेदी-३ त्रिखण्डी नजिक मोटरसाइकल सुमोसँग ठक्कर खादा...
८ बैशाख, हेटौंडा। हेटौंडा औद्योगिक क्षेत्रमा रहेको कार्टुन उद्योगमा आगलागी भएको छ।आइतबार बिहान हेटौंडा-८ मा...
आइतबार दिउँसो आएको हावाहुरीले हेटौंडा १३ स्थित ४ वटा घरमा क्षती पुगेको छ।आइतबार दिउँसोको हावाहुरीले हेटौंडा १३...