कैलाशको नीति तथा कार्यक्रम: योजना तर्जुमा गर्दा यस्तो नीति अवलम्बन

७ असार, हेटौंडा । मकवानपुरको कैलाश गाउँपालिकाले आगामी आव २०८०/०८१ को नीति तथा कार्यक्रम प्रस्तुत गरेको छ । पालिकामा भएको १२ औं गाउँसभामा पालिकाका अध्यक्ष लोकबहादुर मुक्तानले नीति तथा कार्यक्रम प्रस्तुत गरेका हुन् ।
उनले गाउँपालिकाको योजना तर्जुमा गर्दा क्षेत्रगत नीतिहरू अवलम्वन गरिएको जनाएको छन् । 
पालिकाले विगतमा गर्दै आएको नीति तथा कार्यक्रमलाई निरन्तरता दिई थप कार्यक्रमहरु गर्दै लैजाने नीति समेत लिएको छ ।
क्षेत्रगत नीतिहरू
१. भूमि बैंकको नीति र कार्यक्रम ल्याईने छ ।
२.एकीकृत सहकारी विकासको नीति र कार्यक्रम ल्याईने छ ।
३. समुदाय र वस्ती स्तरमै बाल अधिकार अभिमुखीकरण नीति र कार्यक्रम ल्याईने छ ।
४. प्रविधि मैतृ शिक्षक, विद्यार्थी, शैक्षिणिक कृयाकलापको नीति र कार्यक्रम ल्याईने छ । 
५. आयुर्वेद विकासको नीति, प्राकृतिक जडिबुटी विकास र तिनको उचित प्रयोगबाट लाभ लिने नीति र कार्यक्रम ल्याईने छ ।
६. कृषिमा प्रयोग हुँदै आएको विषादी न्यूनिकरणका लागि आवश्यक नीति र कार्यक्रम ल्याईने
छ ।
७. विद्यालय र गाउँस्तरमै जङ्क फुड(कवाडी खाना) र सार्वजनिक स्वास्थ्यमा असर पुर्याउने वस्तुहरुको प्रयोग न्यूनीकरण गर्दै लैजाने नीति र कार्यक्रम ल्याईने छ ।
८. गाउँ पालिका डिजिटल प्रोफाइल निर्माण र एकीकृत विकास नीति यस आवबाट उच्च प्राथमिकता साथ अगाडी बढाईने छ ।
९. ठेक्का सम्झौता गरी समयमा काम संपन्न नगर्ने र विकाश आयोजनाहरुलाई अलपत्रपार्ने निमार्ण व्यवसायीहरुलाई समयमै काम संपन्न गर्न लगाउने कानुनी नीति तथा कार्यक्रम ल्याइनेछ र उत्कृष्ट कार्यसंपादन गर्ने निर्माण व्यवसायीहरुलाई पुरस्कारको व्यवस्था गरिने
छ ।
१०. असारे विकासलाई निरुत्सायी गरी समयसापेक्ष रुपमा विकाश निर्माणका कार्यहरु गर्ने गराउने नीति अबलम्बन गरिने छ ।
११. शहिद परिवारको लागी जीवीकोपार्जन सहित विशेष सम्मान कार्यक्रम यसै आवबाट थालनी गरिने छ ।