कोरियाली सहयोगमा मनहरीमा छात्राबास भवन निर्माण

२७ चैत, मनहरी । ग्लोबल एजुकेसन फर अल दक्षिण कोरियाको सहयोगमा मनहरी निर्माण भएको दुई तल्लो छात्राबास भवनको फाउण्डेसनका अध्यक्ष डा. जोङ जेले उद्घाटन गरेका छन् । 
मनहरी गाउँपालिका–८, ज्यामिरेस्थित महेन्द्रकिरण माध्यमिक विद्यालयमा छात्राबास भवन निर्माण भएको हो । २०७५ सालबाट निर्माण सुरु भएको छात्राबासका करिब १ करोड रुपैयाँ लागतमा निर्माण गरिएको हो ।
भवन निर्माण भएसँगै उक्त विद्यालयमा १८ महिने र ३ वर्षे कृषि बालिविज्ञान अध्ययन गर्न विकट राक्सिराङ र कैलाश गाउँपालिकाबाट आउने विद्यार्थीलाई सहज हुने भउको छ । छात्राबास भवन नहुँदा त्यहाँ अध्ययन गर्ने राक्सिराङ र कैलाश विद्यार्थीहरु कोठा भाडामा लिएर बस्न बाध्य थिए । छात्राबासमा ८० जना विद्यार्थी बस्ने सक्ने बताइको छ ।
विद्यालयका प्राचार्य शिव रिमालका अनुसार छात्राबासमा अझै शौचालय, बाथरुम र फिनिसिङको काम भने अझै बाँकी रहेको छ । उनले नयाँ शेक्षिक सत्रबाट छात्राबास प्रयोगमा ल्याउँनेगरि काम भइरहेको जानकारी दिए ,।
छात्राबास उद्घाटन कार्यक्रममा हेटौंडा उपमहानगरपालिकाका पूर्वमेयर हरिबहादुर महत, समाजसेवी सिद्धिलाल श्रेष्ठ, भवन निर्माण समितिका संयोजक सौगुन लामा, स्थानीय जनप्रतिनिधि तथा विभिन्न राजनीतिक दलका प्रतिनिधिहरुको सहभागिता रहेको थियो ।