मनहरीको गर्भवती महिला लक्षित स्वास्थ्य कार्यक्रम

२१ मंसिर,हेटौँडा । मनहरी गाउँपालिकाले गर्भवती महिलालाई लक्षित कार्यक्रम ल्याएको छ। बुधबार गाउँपालिका अध्यक्ष रन्जन कालाखेतीले स्वास्थ्य शाखालाई भिडियो एक्सरे मेशीन प्रदान गरेका थिए ।

पालिकाले स्वास्थ्य शाखालाई भिडियो एक्सरे मेशीन प्रदान गरेसँगै वडा भित्रका स्वास्थ्य संस्था मार्फत गर्भवती महिलाहरुले सहज रुपमा गर्व जाँच सेवा प्राप्त गर्न सक्ने जनाइएको छ । अब ग्रामिण भिडियो एक्सरे सेवा मार्फत प्रत्येक वडाका गर्भवती महिलाहरुले नजिकैको स्वास्थ्य चौकिबाट निशुल्क भिडियो एक्सरे सेवा प्राप्त गर्न सक्ने स्वास्थ्य शाखा प्रमुख रामचन्द्र दाहालले बताएका छन्। सुविधा पाएसँगै गर्भवतीले कष्टकर अवस्थामा ठुलो रकम खर्च गरी स्वास्थ्य जाँचका लागि सदरमुकाम धाउनुपर्ने अवस्थाको अन्त्य हुने गाउँपालिका अध्यक्ष रञ्जन कालाखेती बताएका छन्। साथै गाउँपालिकाले गर्भवती महिलाहरुलाई पुर्ण संस्थागत सुत्ेकरी सेवाका लागि निशुल्क एमबुलेन्स सेवाको पनि व्यवस्था गरेको छ । राज्यले पुर्ण संस्थागत सुत्केरीका लागि नियमीत जाँच गरेवापत भत्ता स्वरुप २ हजार ८ सय रुपैयाँ दिँदै आएको छ । यसमा थप सहयोगका लागि गाउँपालिकाले निशुल्क एम्बुलेन्स सेवा दिएको अध्यक्ष कालाखेतीले जानकारी दिए ।