सुन्दरढोको कैलाशलाई सामाजिक परिक्षण तथा परियोजना हस्तान्तरण

२३ पुस,हेटौँडा । कैलाश अपाङ्गताको क्षेत्रमा तीन वर्षदेखी कैलाश गाउँपालिकामा आफ्नो सेवा प्रदान गर्दै आइरहेको सुन्दरढोका साथी सेवाले सामाजिक परिक्षण तथा परियोजना हस्तान्तरण गरेको छ । मंगलबार एक कार्यक्रमका बीच संस्थाका कार्यकारी निर्देशक विजता अधिकारीले गाउँपालिका अध्यक्ष लोकबहादुर मुक्तानलाई दस्तावेज हस्तान्तरण गरेकी हुन् । 
दस्तावेज ग्रहण पश्चात अध्यक्ष मुक्तानले अपाङ्गता र जिविकोपार्जन क्षेत्रमा गरिएको कार्यप्रति धन्यवाद प्रकट गरे । प्रस्तुत गरिएको सामाजिक परिक्षणको प्रतिवेदनले प्रष्ट देखिनु काम राम्रो भएको छ । उनले काम पश्चातले सकरात्मक आउट पुट दिने हो, त्यसलाई सरकारले कार्यानवयन गर्ने बताए । स्थानीय सरकारले अपाङ्गताको सवालमा काम गरिने बताउँदै यहाँको भूगोलमा बसोबास गर्ने अपाङ्गता नागरिकप्रति हेर्ने मानिसको दृष्ट्रिकोण सकरात्मक बनाउनुभएको छ, मानिसमा सोच र विचार परिवर्तन गरेको अध्यक्ष मुक्तानले बताए । 
विभिन्न संघसंस्थाको साझेदारीमा विभिन्न क्षेत्रमा काम गर्दै आइरहेका छौं, अब अपाङ्गमैत्री छात्राबासको लागि ललितपुर महानगर, कैलाश गाउँपालिका र सुन्दरढोकाको साझेदारीमा निर्माण गरिने छ, उनले भने । 
कार्यक्रममा गाउापालिका उपाध्यक्ष बालकुमार मल्ल ठकुरीले सुन्दरढोकाले गरेका कार्यको प्रंशसा गर्दै आगामी दिनहरुमा पनि सहकार्य गरिने बताए ।  पालिकाभित्र अपाङ्गता परिचय कार्ड प्रदान गरिरहेको उनले बताए । कार्डले धेरै क्षेत्रमा सहजता हुने बताउँदै यहाँका नागरिकमा अपाङ्गताको क्षेत्रमा चेतनास्तर बढाउनुपर्ने छ, उनले भने ।  
संस्थाका कार्यकारी निर्देशक विजता अधिकारीले भौगोलिक विकटताको चुनौतिका बाबजुत पनि तीन चरणमा कार्यक्रम सञ्चालन गरिएको बताईन् । अपाङ्गता भएका नागरिकलाई घरमै उपचार सेवाका साथै अन्य सुविधा दिइनुपर्नेमा जोड दिइन् । हामीले अपाङ्गता भएका र परिवारका सदस्यलाई सीपमूलक तालिम प्रदान गरिनुका साथै जिविकोपार्जनको क्षेत्रमा काम गरिएको बताईन् । अपाङ्गताका विरामीलाई उपचार गरिनुका साथै कुखुरा, बाख्रापालन, साना पसल व्यवसाय, ट्याक्टर, बाँसबाट निर्माण सामाग्री उत्पादन तालिम, व्युटिपार्लर, सैलुन, टेलरिङ लगायतका क्षेत्रमा काम गरेको उनले बताईन् । 
कार्यक्रममा परियोजना संयोजक राम पार्कीले प्रगति प्रतिवेदन प्रस्तुत गरेका थिए । वडा ७ का वडाध्यक्ष उदासकुमार भोलन, महिला तथा बालबािलका शाखा प्रमुख रमिला सापकोटा, अपाङ्ग सहयोग सञ्जाल कैलाशका अध्यक्ष सुदीप जिम्बा लगायतले आफ्नो भनाई राखेका थिए । कार्यक्रममा प्रमुख प्रशासकीय अधिकृत रामप्रसाद शर्मा कंडेल, वडा १ का वडाध्यक्ष तेज बहादुर ब्लोन, वडा ९ का अध्यक्ष भूवनसिं घलान, संस्थाका प्रतिनिधि, शाखा प्रमुखहरुको आतिथ्यता रहेको थियो ।