कैलाश गाउँपालिकाको हिउँदे सभा सम्पन्न

३० पुस, हेटौंडा । मकवानपुरको कैलाश गाउँपालिकाले चालु आर्थिक वर्षका लागि पूँजीगत तर्फ ३६ वटा नयाँ योजना र कार्यक्रम थप गरेको छ। आर्थिक वर्ष २०८२/८३ अन्तर्गत रकम थप गरी ३६ वटा नयाँ योजना थप  गरेको हो ।
बुधबार सम्पन्न १७ हिउँदे अधिवेशन तथा गाउँसभाले सो योजना र कार्यक्रम बहुमतले पारित गरेको छ । गाउँपालिका उपाध्यक्ष बालकुमार मल्ल ठकुरीले गाउँसभामा थप रकम सहितका ३६ नयाँ योजना र कार्यक्रम प्रस्तुत  गरेका थिए । प्रस्तुत गरेका योजना र कार्यक्रम पारित भएको हो।
गाउँपालिका अध्यक्ष लोकबहादुर मुक्तानको अध्यक्षतामा सम्पन्न गाउँसभाले गाउँपालिकाको चालू आर्थिक वर्षको लागि २२ करोड ४० लाख रुपैयाँको बजेट विनियोजन गरेकोमा  बुधबारको १७ औँ गाउँसभाले बजेट संशोधन गरेको हो। संशोधनसहित गाउँपालिकाले बजेट २४ करोड ९१ लाख ५३ हजार रुपैयाँ बनाएको छ । 
गाउँसभाको बैठकमा उपाध्यक्ष बालकुमार मल्लले बजेट संशोधन, परिमार्जन, रकमान्तर तथा थप गर्नका लागि प्रस्ताव पेश गरेकोमा गाउँसभाबाट सर्वसम्मतिले पारित गरिएको हो। गाउॅंसभाले १७ वटा कार्यक्रमको रकम संसोधन गरेको छ । गाउँसभाबाट चालुतर्फ १४ वटा योजनाको रकमान्तरण गरिएको छ भने पुँजीगततर्फ १४ योजनाको रकमान्तरण गरिएको छ । 
गाउँपालिका अध्यक्ष लोक बहादुर मोक्तानको सभाध्यक्षतामा भएको  १७ औ गाउँसभाले  गाउपालिकाको आर्थिक कार्यविधि तथी वित्तिय उत्तरदायित्व सम्बन्धमा व्यवस्था गर्न बनेको विधेयक,बेरुजु फस्यौट कार्यविधि २०८२, पालिकाको लेखा समिति गठन तथा संचालन कार्यविधि २०८२ गाउॅंपालिकाको गाउॅं सभा सचिवालय स्थापना तथा कार्य संचालन कार्यविधि लगायतका ४ वटा प्रस्ताव पारित गरेको छ । सो प्रस्ताव विद्यायन समिति संयोजक भुवन सिंह घलानको प्रस्तुत गरेका थिए । 
गाउँसभामा गाउँपालिका उपाध्यक्ष बालकुमार मल्ल ठकुरीले सभामा पेश गरेको बजेट तथा योजना संशोधन, परिमार्जन, रकमान्तर तथा थप गर्नका लागि पेश भएको योजना तथा कार्यक्रमहरु गाउँसभाले सर्वसम्मत पारित गरेको थियो ।