वडाध्यक्षहरुले बहिष्कार गर्दा कैलाशको गाउँ सभा हुन सकेन

१० असार,हेटौँडा । हेटौंडा उपमहानगरपालिका र थाहा नगरपालिका सहित  मंगलबार मकवानपुरको सबै स्थानीय तहको आर्थिक वर्ष २०७६।७७ को लागि गाउँ तथा नगर सभा भइरहदा कैलाश गाउपालिकाको गाउँ सभा हुन सकेन । कैलाश गाउपालिकाको मंलगबार तय भएको  गाउँ सभा वडा अध्यक्षहरुको बहिष्कार गरेपछि 
मकवानपुरको १० वटा स्थानिय तह मध्य कैलाश गाउपालिकाको गाउँ सभा नभएको हो । 
विगत केही दिन देखि नियमित मासिक बैठक बहिष्कार गर्दै आएका वडा अध्यक्षहरुले आज तय भएको गाउँ कार्यपालिको सभा नै बहिष्कार गरेपछी कैलाश गाउँपालिकाले आर्थिक वर्ष २०७६।७७ का लगि निति तथा कार्यक्रम सहित बजेट ल्याउन नसकेको हो । 
मकवानपुरको सबै स्थानीय तहको आर्थिक वर्ष २०७६।७७ को लागि गाउँ तथा नगर सभा भइरहदा हाम्रो ( कैलाश ) गाउँपालिकाको निति तथा कार्यक्रम सहित बजेट ल्याउन नसकेको बताए ।  अर्का एक वडा अध्यक्षले गाउँपालिकाले न त समयमा बैठक गर्छ न बैठक बस्दा एजेन्डानै थाहा हुन्छ ? न त समयमा गाउँ सभा नै हुन्छ ?अनि कसरी आउछ बजेट एक वडाध्यक्षले आक्रोश पोखे ।यस अघि एजेन्डाको बिषयमा समेत जानकारी नदिएको भन्दै कैलाश गाउँपालिकाको ६ गतेको बैठक वडा अध्यक्षहरुले बहिष्कार गरेका थिए ।
वडा अध्यक्षहरुले ६ गतेको बैठकनै बहिष्कार  गरेपछि  गाउँपालिका अध्यक्ष टंक मोक्तानले बैठक बोलाउन सकेका थिएनन् । 
यद्यपी मंगलबार हेटौंडा उपमहानगरपालिका र थाहा नगरपालिका सहित  मंगलबार मकवानपुरको सबै स्थानीय तहको आर्थिक वर्ष २०७६।७७ को लागि गाउँ तथा नगर सभा भइरहदा कैलाशका केही वडाध्यक्षहरु हेटौँडा बजारतिर घुमिरहेको थिए । 
यता यस बिषयमा बुझन गाउँपालिका अध्यक्ष टन्क मोक्तानलाई टेलिफोन गर्न खोज्दा मोक्तानको टोलिफोन सम्पर्क भने हुन सकेन ।